“Azərbaycan Fond Bazarı İştirakçılarının Assosiasiyası” İctimai Birliyi 2007-ci ildə yaradılmışdır. Assosiasiyanın əsas məqsədi qiymətli kağızlar bazarının iştirakçılarının səmərəli peşəkar fəaliyyətini təmin edilməsidir. Bu məqsədlə Assosiasiya zəruri maarifləndirmə tədbirlərinin görülməsi, qiymətli kağızlar bazarının inkişafı üzrə təkliflərin müzakirəsi və həyata keçirilməsi istiqamətlərində Maliyyə Bazarlarına Nəzarət Palatası publik hüquqi şəxsin rəhbərliyi ilə sıx əməkdaşlıq etməkdədir. Assosiasiyanın üzvlüyünə Bakı Fond Birjası, Milli Depozit Mərkəzi də daxil olmaqla mövcud qanunvericiliyə uyğun olaraq fəaliyyət göstərən qiymətli kağızlar bazarının bütün peşəkar iştirakçıları daxildir.